Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Фуцис ДТ 50 мг № 4 табл диспер

3216
Қолжетімділігі
Сатылымда бар
Үлгі
8906002053018
Елі
Индия
Өндіруші
Лива Хелткер
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ФУЦИС®

Саудалық атауы

Фуцис®

Халықаралық патенттелмеген атауы

Флуконазол

Дәрілік түрі

50 мг, 100 мг, 150 мг және 200 мг таблеткалар

Құрамы

Бір таблетканың құрамында

белсенді зат - 50 мг, 100 мг, 150 мг, немесе 200 мг флуконазол,

қосымша заттар: микрокристалды целлюлоза, лактоза моногидраты, повидон К 30, тальк, магний стеараты, натрий крахмалы гликоляты, натрий кроскармеллозасы, изопропилді спирт.

Сипаттамасы

Ақ, жиектері қиғаш, дөңгелек, бір жақ бетінде сындыру сызығы бар таблеткалар.

Фармакотерапиялық тобы

Жүйелі қолдануға арналған микробқа қарсыпрепараттар.

Жүйелі қолдануға арналған зеңге қарсы дәрілер. Триазол туындылары.

Флуконазол.

АТХ коды J02A C01

Фармакологиялық қасиеттері

Фармакокинетикасы

Сіңуі

Флуконазол ішке қабылдаған кезде жақсы сіңеді, қан плазмасындағы деңгейі (және жалпы биожетімділігі) вена ішіне енгізгендегі деңгейінен 90%-нан астамды құрайды. Қатарлас тамақ ішу оның сіңуіне ықпал етпейді. Қан плазмасындағы ең жоғары концентрациясына 0,5-1,5 сағат ішінде жетеді. Плазмасындағы концентрациясы қабылданған дозаға тіке пропорционал. 90% деңгейіндегі тепе-тең деңгейге күніне 1 дозадан қабылдаған кезде 4-5 күндері жетеді. 1 күнде қосарлы доза қабылдау90% тепе-тең жай-күйіне 2-ші күнінде жетеді.

Таралуы

Плазмасының ақуыздарымен байланысуы төмен (11-12%).

Организмнің барлық биологиялық сұйықтықтарына жақсы өтеді.

Флуконазолдың сілекейдегі, қақырықтағы, буын және перитонеальді сұйықтықтағы, қынаптық секреттегі концентрациясы қан плазмасындағы осындайға ұқсас. Зеңдік менингитпен ауыратыннауқастарда флуконазолдың ЖМС деңгейі плазмадағы деңгейінің 80%-н құрайды.

Эпидермистің мүйізгекті қабатында, дермада және тері бездерінде концентрацияларының қан плазмасындағыдан асып түсетін

мәніне жетеді. Флуконазол мүйізгекті қабатта жинақталады.

50 мг тәулігіне 1 рет қабылдағаннан кейін флуконазолдың 12 сағаттан кейінгі концентрациясы 73 мкг/г құрады және емді тоқтатқаннан кейін 7 күн өткенде концентрация 5,8 мкг/г болды. 150 мг аптасына 1 рет қабылдағаннан кейін мүйізгекті қабаттағы флуконазолдың концентрациясы 23,4 мкг/г құрады және екінші дозаны қабылдағаннан кейін 7 күн өткенде 7,1 мкг/г құрады.

150 мг-нан аптасына бір рет 4 ай бойы қабылдағаннан кейін флуконазолдың тырнақтардағы концентрациясы зақымданбаған 4,05 мкг/г және зақымы бар тырнақтарда – 1,8 мкг/г құрады; емді аяқтағаннан кейін 6 ай өткен соң флуконазол тырнақ үлгілерінен анықталды.

Метаболизмі

Флуконазол тек аз дәрежеде ғана метаболизденеді. Радиоактивті дозаның тек 11% ғана өзгерген күйде несеппен шығарылады. Флуконазол СYР2С9, СYР3А4 изоферменттерінің іріктелген тежегіші, сондай-ақ CYP2C19 изоферментінің тежегіші болып табылады.

Шығарылуы

Флуконазолдың қан плазмасынан жартылай шығарылу кезеңі 30 сағат құрайды.Көбіне бүйрекпен шығарылады (80%-ы - өзгермеген күйде, 11% - метаболиттер түрінде). Флуконазолдың клиренсі креатинин клиренсіне (КК) пропорционал. Айналымда метаболиттер болуының айғағы жоқ.

Плазмасынан жартылай шығарылу кезеңі ұзақ болғандықтан қынаптық кандидоз кезінде бір реттік дозамен тәулігіне бір рет емдеу, сондай-ақ басқа көрсетілімдерде аптасына бір рет қолдануға мүмкіндік бар.

Бүйрек жеткіліксіздігіндегі фармакокинетикасы

Ауыр бүйрек жеткіліксіздігі бар науқастарда (ШСЖ <20 мл / мин) жартылай шығарылу кезеңі (Т½) 30-дан 98 сағатқа дейін ұзарады. Тиісінше доза төмендету талап етіледі. Флуконазол гемодиализ көмегімен шығарылады және аз дәрежеде перитонеальді диализ көмегіменшығарылады. Гемодиализдің үш сағат сеансынан кейін қаннан 50%-ға жуық флуконазол шығарылады.

Балалардағы фармакокинетикасы

Флуконазолды 9 айлығынан 15 жасқа дейінгі балаларда 2-8 мг/кг енгізуден кейін AUC 1 мг/кг доза бірлігі шамамен 38 мкг/сағ/мл құрады. Флуконазолдың плазмадан орташа (Т½) 15-тен 18 сағатқа дейін ауытқиды, ал таралу көлемікөп рет қолданғаннан кейін шамамен 880 мл/кг құрады.

Флуконазолдың плазмадан жартылай шығарылу кезеңі ұзағырақ, 24 сағатқа жуық, дозаны бір рет қабылдағаннан кейін бақыланды. Бұл мән өмірінің 11 күнінен бастап 11 айлығына дейінгі жастағы балаларға 3 мг/кг бір рет вена ішіне (в/і) енгізуден кейін плазмадан флуконазолдың жартылай шығарылу кезеңімен салыстырарлық. Бұл жастағы топта таралу көлемі 950 мл/кг құрады.

Егде жастағы пациенттердегі фармакокинетикасы

50 мг флуконазолды бір рет қабылдағаннан кейін Cmax 1,3 сағат ішінде 1,54 мкг/мл құрайды. AUC орташа мәні 76,4 ± 20,3 мкг • сағ / мл, ал орташа ақырғы жартылай шығарылу кезеңі 46,2 сағатты құрады. Дені сау жас ерлердегі осыған ұқсасқа қарағанда фармакокинетикалық параметрлердің бұл мәндері жоғары болады. Диуретиктермен бірге қабылдау AUC немесе Cmax өзгертпейді. Бұдан басқа,креатинин клиренсі (74 мл/мин), өзгермеген дәрілік препараттың несептегі пайызы (0-24 сағат, 22%) құрады және егде жастағы адамдарда флуконазолдың бүйректік клиренсі (0,124 мл/мин/кг) жас ерлердегі осыған ұқсас көрсеткіштерге қарағанда негізінен төмен болды. Осылайша егде жастағы пациенттерде флуконазол фармакокинетикасының өзгерістері осы топтағылар үшін бүйрек функциясы сипатының нашарлауымен байланысты болды.

Фармакодинамикасы

ФУЦИС® - Р450 цитохромға тәуелді зеңдерферментінің белсенділігін тежейтін спецификалық әсері жоғары зеңге қарсы дәрі. Зеңдерде ланостерол жасушасының эргостеролға айналуын бөгейді, жасуша жарғақшасының өткізгіштігін арттырады, оның өсуін және репликациясын бұзады.

Препараттың белсенді заты – флуконазол, зңдердің Р450 цитохромасы үшінжоғары таңдағыш болғандықтан, адам организмінде бұл ферменттер мүлде бәсеңдетпейді (итраконазолмен, клотримазолмен, эконазолмен және кетоконазолмен салыстырғанда), адам бауырының микросомаларында Р450 цитохромаларына байланысты тотығу үдерістерін аз дәрежеде бәсеңдетеді. Андрогенге қарсы белсенділігі жоқ

In vitro сезімталдығы

In vitro флуконазол Candida (С.аlbicans,C. parapsilosis, C. tropicalis қоса ) клиникалық белгілі түрлерінің көпшілігінезеңдерге қарсы әсер етеді. Флуконазолға C.glabrata сезімтал, ал C. krusei резистенттті болады. Флуконазол in vitro Cryptococcus neoformans және Cryptococcus gattii, сондай-ақ Blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық зеңдерге қарсы әсер етеді.

Фармакокинетикалық / фармакодинамикалық өзара байланысы

ЕТТК мәні мен Candida spp. туындайтын экспериментальді микоздарға қарсы тиімділігі арасында өзара байланыс анықталды. Клини- калық зерттеулерде AUC және флуконазол дозасының арасындағы дозаға байланысты 1:1 дерлік тәуелділік анықталды. Сондай-ақ AUC немесе дозасы менауыз қуысының кандидозын емдеуге және аз дәрежеде кандидемияда емінің клиникалық оң жауабы арасында нақты болмаса да тікелей байланыс бар. Флуконазолдың ЕТТК жоғары штаммдарынан туындаған инфекцияларда дұрыс емге қол жеткізу ықтималдығы төмен.

Резистенттілік дамуының механизмі

Candida тектес зеңдерде азолдар тобының антимикотиктеріне қарсы әсерінің бірқатар қорғаныс механизмдері анықталды. Резистенттіліктің бұндай бір немесе бірнеше механизмдерін өндірген штаммдар үшін флуконазолдың ең төмен тежегіштік концентрациясы (ЕТТК) жоғары болады, бұл клиникалық тәжірибеде және in vivo зерттеулерінде препарат тиімділігіне теріс әсер етеді. Табиғатынан флуконазолға сезімтал емес (мысалы, Candida krusei) C. Albicans қатар, Candida тектес зеңдерден туындайтын суперинфекциясының дамыған жағдайлары тіркелген. Мұндай жағдайларда баламалы зеңге қарсы ем қолдану талап етіледі.

Қолданылуы

ФУЦИС® келесі зеңді инфекцияларда қолданылады:

ФУЦИС® ересектерде мына ауруларды емдеу үшін қолданылады:

- криптококктік менингит

- кокцидиоидомикоз

- инвазиялық кандидоздар

- шырышты қабықтардың кандидозы (орофарингеальді кандидозды,өңеш кандидозын қоса, кандидурия, тері - шырышты қабықтардың созылмалы кандидозы)

- егер ауыз қуысының гигиенасы немесе жергілікті ем жеткіліксіз болса ауыз қуысының созылмалы атрофиялық кандидозы (тіс протездерін пайдаланудан туындаған)

- жедел немесе қайталанатын қынаптық кандидоз (жергілікті ем қолдану мүмкін болмағанда)

- кандидозды баланит (жергілікті ем қолдану мүмкін болмағанда)

- табан, кеуденің, шап аумағының микозын қоса, дерматомикозы; сондай-ақ түрлі-түсті (кебек тәрізді) теміреткі және тері кандидозы (жүйелі ем қажет болған жағдайда)

- тырнақ дерматофитиясы (онихомикоз) (басқа заттар қолдану мүмкін болмағанда).

ФУЦИС®ересектерде мына ауруларда профилактика жүргізу үшін қолданылады:

- қайталану қаупі жоғары науқастардағы криптококктік менингитте

- қайталану туындау қаупі жоғары АИТВ инфекциясын жұқтырған пациенттерде орофарингеальді кандидоз немесе өңеш кандидозында

- қынаптық кандидоз қайталанулары (жылына 4 және одан астам көріністері)

- ұзаққа созылған нейтропениясы бар пациенттерде (мысалы, химиялық ем қабылдап жүрген қатерлі гематологиялық ісігі бар науқастарда немесе гемопоэздік дің жасушалары трансплантацияланғаннан кейінгі пациенттер үшін) кандидоздық инфекцияларға.

ФУЦИС® жаңа туған нәрестелерде, енді жүре бастаған балаларда, 0-ден 17 жасқа дейінгі балалар мен жасөспірімдерде мына аурулардың емдеу үшін қолданылады:

- шырышты қабықтардың кандидозын (ауыз-жұтқыншақ кандидозын, өңеш кандидозын) емдеу үшін,

-инвазиялық кандидоз,

-иммунитеті төмендеген пациенттердегі криптококктік менингитте және кандидоздық инфекцияларда профилактика жүргізу үшін.

ФУЦИС® балаларда даму қаупі жоғары криптококктік менингиттің қайталануының алдын алу үшін демеуші ем ретінде қолданылуы мүмкін.

Артық дозалануы

Симптомдары: жағымсыз әсерлерінің күшеюі. Флуконазолдың артық дозалануы жөнінде мәлімдемелер бар; бір мезгілде елестеулер және параноидальді мінез-құлық жөнінде де мәлімделді.

Емі: симптоматикалық ем ұсынылады.

Флуконазол несеппен шығарылады, сондықтан қарқындатылған диурез препараттың шығарылуын жылдамдатуы мүмкін. Ұзақтығы 3 сағаттық гемодиализ сеансы плазмадағы флуконазол деңгейін шамамен 50%-ға төмендетеді.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 4, 7 таблеткадан (50 мг дозасы үшін) немесе поливинилхлоридті үлбірден және алюминий фольгадан жасалған пішінді ұяшықты қаптамаға 4, 10 таблеткадан (100 мг дозасы үшін), 1, 4, 7 таблеткадан (150 мг дозасы үшін),4, 10 таблеткадан (200 мг дозасы үшін) салынған.

Пішінді ұяшықты 1 қаптама медициналық қолдану жөніндегі мемлекеттік және орыс тілдеріндегі нұсұаулықпен бірге картон қорапшаға салынған.

Сақтау шарттары

Жарықтан қорғалған жерде, 25оС-ден аспайтын жерде сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд.,

СП 289 (A), РИИКО Индл. ареа, Чопанки, Бхивади (Радж.), Үндістан

Қазақстан Республикасы аумағында тұтынушылардан дәрілік заттардың сапасы жөніндегі шағымдарды қабылдайтын ұйымның атауы, мекенжайы және байланыс деректері:

«Дәрі-Фарм (Қазақстан)» ЖШС,

заңды мекенжайы: Алматы қ., Достық даңғ., 117/6, «Хан Тәңірі» БО

орналасқан мекенжайы: Алматы қ., Достық даңғ., 117/6, «Хан Тәңірі» БО.

Телефон: 295-26-50, 295-26-51(54) ,Факс: 295-26-55

E-mail: Office@kusumhealthcare.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Дәрі-Фарм (Қазақстан)» ЖШС,Алматы қ., Достық д-лы, 117/6,«Хан Тәңірі» БО. Телефон: 295-26-50, 295-26-51 (54), Факс: 295-26-55

Электронды поштасы: mtt@kusumhealthcare.kz

Дәріханалар

Тауар артығымен бар
Тауар аз қалды
Аптека №213
ул.Сейфулина ,46
Круглосуточно