Сипаттама
Дәрілік затты қолдану жөнінде
мамандарға арналған ңұсқаулық
ПИЛОКАРПИН ГИДРОХЛОРИДІ
көз тамшылары
Cаудалық атауы
Пилокарпин гидрохлориді
Халықаралық патенттелмеген атауы
Пилокарпин
Дәрінің түрі
1% ерітінді (көз тамшылары)
Құрамы
100 мл ерітіндінің құрамында
белсенді заттар: пилокарпин гидрохлориді-1,0 г
бор қышқылы- 1,9 г
қосымша зат - тазартылған су.
Сипатамасы
Мөлдір түссіз сұйықтық.
Фармакотерапиялық тобы
Глаукомаға қарсы препараттар мен миотиктер. Парасимпатомиметиктер.
АТЖ коды S01EB01
Фармакологиялық қасиеттері
Фармакокинетикасы
Көздің конъюнктивальдық қапшығына тамызған кезде әдеттегі концентрацияларында пилокарпин аз сіңеді және айқын жүйелік әсер етпейді. Препарат көз тіндерімен байланысады. Пилокарпин көз тіндерінде метаболизденбейді және көзішілік сұйықтықпен шығарылады. Препараттың көз тіндерінен жартылай шығуы1,5-тен 2,5 сағат құрайды.
Фармакодинамикасы
Пилокарпин тікелей м-холинмиметикалық әсер етеді. Пилокарпин көз бұлшық етінің шеткергі м-холинрецепторларын қоздырады. Пилокарпинді глаукомасы бар науқастардың конъюнктивальдық қапшығына тамызғанда қарашық сфинктерінің жиырылуы мен көз бұршағы қабығы тамырыныңтартылуы нәтижесінде көз ішілік сұйықтықтың ағып шығуы жақсарады. Осымен бір мезгілде цилиарлық бұлшық еттердің жиырылуы салдарынан трабекулдардың тартылуы жүреді, бұл өз кезегінде синус саңылауының кеңеюін туғызады.
Қолданылуы
- жабық бұрышты глаукоманың жедел ұстамасында
- бастапқы ашық бұрышты глаукома, бета-адренбөгегіштермен және басқа препараттармен үйлестіріле отырып, көз ішіндегі қысымды түсіреді
- кейбір жағдайда екінші реттегі глаукомада
-қажет болғанда мидриатиктермен инстиляция жасағаннан кейін қарашықты тарылуында.
Қолдану тәсiлі мен дозалары
1-2 тамшыдан конъюнктивальдық қапшықтың ішіне күніне 1-3 рет тамызады. Науқастың сезімталдығына қарай инстилляция мөлшері өзгеруі мүмкін. Жабық бұрышты глаукоманың жедел ұстамасын емдеу үшін бірінші сағатта әр 15 минут, әрбір 2-3-ші сағатта 30 минут, 4-6 сағатта 60 минут сайын пилокарпин ертіндісін тамызады, әрі қарай күніне 3-6 рет дейін ұстама тоқтағанға дейін.
Жағымсыз әсері
-миоз, бас ауыруы, көздің ауыруы
-миопия, түйілу аккомодация, көрудің айқын еместігі, ымырт кезінде көрудің бұзылуы, көздің жасаурауы
-фолликулярлық конъюнктивит (ұзақ қолданғанда), үстірт кератит пен сирек жағдайда қабақтардың жанаспалы дерматит
-ас қорыту мен бронхтық бездер секрециясының күшеюі, шұғыл терлеу
-жүрек ырғағының баяулауы
-бронх, ішек, өт пен қуық тегіс бұлшық еттері тонусының артуы.
Қолдануға болмайтын жағдайлар
-ирит, иридоциклит
-торшаның бөліну қаупі бар миопия
-бронхтық демікпенің өршуі
-жүктілік
-бала емізу
-18 жасқа толмағандар.
Дәрілермен өзара әрекеттестігі
Бета-адренбөгегіштер мен мезатон көзішілік сұйықтықтың өнімін азайта отырып, пилокарпиннің (көзішілік қысымға қатысты) гипотензиялық әсерін көтермелейді. Өз кезегінде пилокарпин олардың жағымсызәсерлерін (брадикардияны, жүрекішілік өткізгіштіктің бұзылуын) күшейтуі ықтимал.
Атропин мен басқа да м-холинолитикалық дәрілер пилокарпиннің антагонистері болады.
Метилцеллюлозалы пилокарпинге қарағанда пилокарпин ұзартылған әсерге ие емес.
Айрықша нұсқаулар
Дәрілік заттың көлік құралдарын немесе қауіпті деп саналатын механизмдерді басқару қабілетіне әсер ету ерекшеліктері
Көз қарашығының қатты кішіреюімен байланысты алыстан көре алмаушылық сезімі пайда болатындықтан көлік құралдарының жүргізушілеріне пилокарпинді қолдануға болмайды.
Артық дозалау
Жағымсыз әсерлерінің күшеюі
Емдеу Симптоматикалық. Айқын брадикардияда – 0,5-2,0 мг атропинді парентеральды енгізу.
Шығарылу түрі мен қаптамасы
1% ертінді (көз тамшылары) тамшылатқыш-сықпада 1,5 мл-ден №5.
Сақтау шарттары
Жарықтан қорғалған жерде, 18°С аспайтын температурада сақтау қажет. Балалардың қолы жетпейтін жерде сақтау керек!
Жарамдылық мерзімі
3 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт бойынша
Өндіруші
«Мәскеу эндокриндік зауыты» федеральдық мемлекеттік унитарлық кәсіпорны, Мәскеу қаласы, 109052, Новохохловская көшесі, 25.
