Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Томиклар
Халықаралық патенттелмеген атауы
Кларитромицин
Дәрілік түрі, дозасы
Үлбірлі қабықпен қапталған таблеткалар, 250 мг және 500 мг
Фармакотерапиялық тобы
Инфекцияға қарсы жүйелі пайдалануға арналған препараттар. Бактерияға қарсы жүйелі қолданылатын препараттар. Макролидтер, линкозамидтер және стрептограминдер. Макролидтер. Кларитромицин.
АТХ коды J01F A09
Қолданылуы
- тыныс алу жолдарының төменгі бөліктерінің инфекцияларында (бронхит, пневмония және т.б.)
- тыныс алу жолдарының жоғарғы бөліктерінің инфекцияларында (фарингит, синусит және т.б.)
- тері және жұмсақ тін инфекцияларында (орташа білінетін)
- H. Pylori әсерінен туындаған он екі елі ішек ауруларында (кешенді ем құрамында)
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препараттың компоненттеріне аллергиялық реакция, макролидтер тобының антибиотиктері немесе қосымша заттардың кез келгеніне
- эрготаминмен немесе дигидроэрготаминмен бір мезгілде қолдану, қастауыштың уытты әсері болуы мүмкін
- пероральді мидазоламмен, тикагрелормен немесе ранолазинмен бір мезгілде қабылдау
- астемизолмен, цизапридпен, домперидонмен, пимозидпен, терфенадинмен бір мезгілде қолдану (бұл жүрек аритмиясының дамуына, жүрек соғуы жиілеуінің ауыр ұстамаларын қоса ЭГК-де бұзылуларға әкелуі мүмкін)
- бұрын жүрек ырғағының төмендеуі немесе жүрек ырғағының басқа да ауыр бұзылулары болған пациенттер (туа біткен немесе жүре пайда болған)
-бауыр немесе бүйрек ауруы бар пациенттерде колхицинмен және Р-гликопротеинмен бір мезгілде қолдану
- бүйрек ауруымен бірге бауырдың ауыр ауруы
- ловастатинді немесе симвастатинді қоса, статиндермен бір мезгілде қолдану
- қандағы калий деңгейінің төмендеуі (себебі жүрек ырғағының қауіпті төмендеуі мүмкін)
- ауыр бүйрек ауруы (Томиклар препаратының 500 мг дозасы үшін, себебі ол азайтылуы мүмкін емес)
- тикагрелормен немесе ранолазинмен бір мезгілде қолдану
- 18 жастан кіші балалар мен жасөспірімдер
Қолданған кездегі қажетті сақтандыру шаралары
Балалар: препаратты 18 жасқа толмаған балаларға қолдануға болмайды.
Егде жастағы пациенттер: дозалар ересектерге арналған дозалармен бірдей.
Бүйрек ауруы бар пациенттер: бүйректің ауыр ауруы бар пациенттерде Томиклар препаратының дозасын күніне бір рет 250 мг-ға дейін немесе аурудың неғұрлым ауыр ағымында күніне екі рет 250 мг-ға дейін төмендетеді. Емдеу курсы 14 күннен аспауы керек.
Басқа дәрілік препараттарменөзара әрекеттесуі
Төменде аталған препараттарды осы өзара әрекеттесудің ауыр салдарларының ықтималды дамуына байланысты қатаң түрде қолдануға болмайды.
Томиклар препаратын цизапридпен, домперидонмен, пимозидпен, терфенадинмен, астемизолмен бір мезгілде қолдануға болмайды, себебі бұл жүрек ырғағының ауыр бұзылуына әкелуі мүмкін (өмірге қауіптілігі зор жүрек соғуының едәуір жиілеуі ұстамаларына).
Эрготаминмен немесе дигидроэрготаминмен бір мезгілде қолдану осы препараттардың жедел уытты әсерін тудыруы мүмкін, бұл тамырлардың түйілуімен, аяқ-қолдар мен орталық жүйке жүйесін қоса басқа ағзаларда қан айналымының бұзылуымен көрініс береді.
Пероральді мидазоламмен бір мезгілде мидазолам әсері күшеюі мүмкін болғандықтан қолдануға болмайды.
Ловастатинмен немесе симвастатинмен бір мезгілде қолдануға болмайды, себебі ауыр түрін қоса, бұлшықеттердің атрофиясы мен бұзылуы қаупі артады. Егер бұл препараттар қажет болса, дәрігер ең төменгі дозаны тағайындайды немесе осындай әсерлерді тудырмайтын препаратты таңдайды және сіздің жағдайыңызды үнемі бақылап отырады.
Басқа дәрілік препараттардың Томиклар препаратының әсеріне ықпалы.
Рифампицин, фенитоин, карбамазепин, фенобарбитал, шайқурай препараттары сияқты дәрілік препараттар Томиклар препаратының тиімділігін төмендетуі мүмкін.
Рифабутинді және Томиклар препаратын бір мезгілде қолдану көздің тамырлы қабығының қабынуы (увеит) даму қаупінің артуымен рифабутин әсерінің күшеюіне және Томиклар препаратының әсерінің төмендеуіне әкелуі мүмкін.
Томиклар препаратының әсеріне ықпал ететін немесе ықпал етуі мүмкін препараттар.
Эфавиренз, невирапин, рифампицин, рифапентин және этравирин сияқты препараттар Томиклар препаратының тиімділігіне әсер етуі мүмкін.
Флуконазолмен бір мезгілде қолданған кезде Томиклар препаратының дозасын өзгерту талап етілмейді.
Ритонавирмен қолданғанда, бүйрек жұмысының орташа айқын бұзылуы кезінде Томиклар препаратының дозасы 50% төмендетіледі (ең жоғары дозаға дейін - күніне 1 таблетка). Ауыр бүйрек ауруы кезінде 500 мг-нан таблетка түріндегі Томиклар тағайындалмайды. Ритонавирмен бір мезгілде және атазанавир мен саквинавирді қоса, АИТВ-инфекциясын емдеуге арналған басқа препараттармен бір мезгілде ритонавирді қолданған кезде (бүйрек функциясының төмендеуі кезінде) күніне 1 г асатын Томиклар препаратының тәуліктік дозалары қолданылмайды.
Томиклар препаратының басқа препараттар әсеріне ықпалы.
Томиклар препаратымен бір мезгілде қолдану әсерлерін ұзартуы және мына препараттармен: алпразолам, астемизол, карбамазепин, цилостазол, цизаприд, циклоспорин, дизопирамид, қастауыш алкалоидтары, ловастатин, метилпреднизолон, мидазолам, омепразол, пероральді антикоагулянттар (мысалы, варфарин), атипиялық психозға қарсы препараттар (мысалы, кветиапин), пимозид, хинидин, рифабутин, силденафил, симвастатин, сиролимус, такролимус, терфенадин, триазолам және винбластин, сондай-ақ фенитоинмен, теофиллинмен және вальпроатпен бір мезгілде қолданған кезде жағымсыз реакциялар даму қаупін арттыруы мүмкін.
Хинидинмен немесе дизопирамидпен бір мезгілде қолданғанда жүрек жиырылуы айқын жиілеуі мүмкін, сондықтан дәрігер ЭКГ бақылауын тағайындауы мүмкін.
Пероральді қант төмендететін препараттар/инсулин: натеглинид және репаглинид сияқты кейбір қант төмендететін препараттармен бір мезгілде қолданған кезде қандағы глюкоза деңгейінің айқын төмендеуіне байланысты ауыр жағдай дамуы мүмкін, сондықтан бұл жағдайларда қандағы глюкоза деңгейіне мұқият бақылау жүргізу ұсынылады.
Бір мезгілде қолданғанда омепразолдың әсері күшеюі мүмкін.
Томиклармен бір мезгілде қолданғанда силденафил, тадалафил, варденафил, теофиллин, карбамазепин және толтеродин әсері күшеюі мүмкін, бұл олардың дозасын азайтуды талап етуі мүмкін.
Пероральді мидазолам әсерінің күшеюіне байланысты Томиклар препаратымен бір мезгілде қолданғанда, бұл біріктірілімнен аулақ болу керек. Мидазоламды вена ішіне енгізу дәрігердің бақылауымен жүргізіледі, себебі дозаны түзету қажет болуы мүмкін. Сол сақтық шаралары триазолам мен алпразоламға да қолданылады. Темазепам, нитразепам, лоразепам үшін Томиклар препаратымен маңызды өзара әрекеттесу ықтималдығы аз. Осы препараттармен бір мезгілде қолданғанда, орталық жүйке жүйесі тарапынан жағымсыз әсерлер болуы мүмкін, себебі триазолам ұйқышылдық пен сананың шатасуын тудырады.
Дәрілік өзара әрекеттесудің басқа да түрлері
Колхицин, фенитоин және вальпроат әсерлері күшеюі мүмкін.
Жүрек ырғағының өлімге әкелетін бұзылуларын қоса, дигоксин әсері күшеюі мүмкін.
Томиклар препаратымен бір мезгілде қолданған кезде зидовудин әсері төмендеуі мүмкін, сондықтан осы екі препаратты қабылдау арасында кемінде 4 сағат аралықты сақтау керек.
Екі бағыттық дәрілік өзара әрекеттесу
Атазановирмен бір мезгілде қолданғанда кларитромицин мен атазанавирдің әсерінің күшеюі байқалады, сондықтан бүйректің орташа айқын және ауыр аурулары кезінде Томиклар препаратының дозасы төмендетіледі.
Амлодипинмен, дилтиаземмен, верапамилмен (қан қысымының төмендеуі, сирек жүрек жиырылуы және т.б. түрінде) бір мезгілде қолданғанда жағымсыз әсерлер дамуы мүмкін.
Бір мезгілде қолданғанда, саквинавир мен Томиклар препаратының әсері күшеюі мүмкін. Саквинавирді ритонавирмен бірге қолданғанда Томиклар әсері айқын күшеюі мүмкін.
Бір мезгілде қолданғанда, итраконазол мен Томиклар препаратының әсері күшеюі мүмкін, бірақ бұл әдетте дозаны өзгертуді талап етпейді.
Томиклар препараты пероральді ұрықтануға қарсы дәрілердің әсеріне ықпал етпейді.
Арнайы ескертулер
Дәрігердің тағайындауынсыз, Томиклар препараты жүктілік кезінде, әсіресе алғашқы үш айда қолданылмауы тиіс.
Орташа айқын және ауыр бүйрек ауруы және бауырдың ауыр ауруы кезінде Томиклар препаратын сақтықпен қолдану қажет.
Бауыр жеткіліксіздігі: кларитромицинді қолданған кезде бауыр жеткіліксіздігінен өлімге ұшырайтын жағдайлар сирек кездеседі. Мүмкін, бұл бауыр ауруына немесе бауыр үшін басқа уытты дәрілік препараттарды қабылдауға байланысты болуы мүмкін. Тәбеттің болмауы, терінің сарғаюы, несептің күңгірттенуі, құрсақ қуысының қышыну немесе ауыруы сияқты бауыр аурулары симптомдары пайда болған кезде, сізге емдеуді тоқтатып, емдеуші дәрігерге шұғыл қаралу қажет.
Ішектің жедел қабыну ауруы барлық дерлік бактерияға қарсы препараттарды қолданғанда байқалды және орташа айқыннан ауырға дейін (өліммен аяқталған) әртүрлі ауырлық дәрежесінде болуы мүмкін. Бактерияға қарсы препараттармен емдеу ішектің қалыпты флорасын өзгертеді және оларды қолданғаннан кейін екі ай ішінде ішектің қабынуын тудыратын қоздырғыштардың қатты өсуіне әкелуі мүмкін. Сұйық нәжіс пайда болған кезде жедел дәрігерге бару керек. Тиімді емдеу үшін бактериологиялық зерттеу қажет болуы мүмкін. Ішектің қабынуы жағдайында ішектің перистальтикасын бәсеңдететін препараттарды қолдануға болмайды.
Колхициннің уытты әсері: кларитромицин мен колхицинді бір мезгілде қолданғанда, әсіресе егде жаста немесе бүйрек ауруы кезінде колхициннің уытты әсері болуы мүмкін (кейде өліммен аяқталатын). Егер сіз колхицин мен Томиклар препаратын бір мезгілде қабылдасаңыз, колхициннің жағымсыз жанама әсерлерінің даму мүмкіндігін білуіңіз қажет.
Томиклар препаратын триазолбензодиазепиндермен, мысалы, триазоламмен, мидазоламмен бір мезгілде сақтықпен қолдану керек.
Томиклар препаратын қоса, макролидтер тобынан препараттарды қабылдағанда жүрек соғуының айқын жиілеуін қоса, жүрек ырғағы бұзылуының ауыр ұстамалары дамуы мүмкін, әсіресе жиі:
• жүректің ишемиялық ауруы, ауыр жүрек жеткіліксіздігі бар пациенттерде, сирек жүрек ырғағында,
• қанның тұз құрамы бұзылғанда (магний немесе калий төмендеуі),
• жүрек ырғағының бұзылуын тудыратын басқа дәрілік препараттарды бір мезгілде қабылдағанда.
Кларитромицинді астемизолмен, цизапридпен, домперидонмен, пимозидпен және терфинадинмен бір мезгілде қолдануға болмайды.
• Томиклар препараты туа біткен немесе жүре пайда болған сирек жүрек ырғағы немесе басқа ырғақтың бұзылуы кезінде қолданылмауы тиіс.
Өкпенің қабынуы: өкпенің қабынуының кейбір қоздырғыштары препараттың әсеріне сезімтал болмауы мүмкін, сондықтан Томиклар препаратын тағайындар алдында дәрігер сезімталдыққа тест жүргізуді тағайындайды.
Препаратты ұзақ уақыт қолдану препараттың тиімділігінің төмендеуіне және зеңді инфекцияның дамуына әкелуі мүмкін. Бұл жағдайларда дәрігер қажетті ем тағайындайды.
Егер сіздің ауруыңыздың қоздырғышы кларитромицин кіретін топтағы басқа препараттарға немесе линкомицин мен клиндамицинге сезімтал болмаса, Томиклар препаратын қолданудың әсері де жеткіліксіз болуы мүмкін.
Тері мен жұмсақ тіндердің жеңіл және орташа ауыр инфекциялары: бұл аурулар көбінесе препаратқа сезімтал емес қоздырғыштардан туындаған, сондықтан сезімталдыққа тест жүргізу маңызды. Қазіргі уақытта Томиклар препараты эритразманы, безеуді және тілмелі қабынуды емдеу үшін және пенициллин тобындағы препараттарды қолдануға болмайтын жағдайларда ғана қолданылуы мүмкін.
Іріңдібөртпелер түріндегі жедел тері реакциясын, терідегі және шырышты қабықтардағы бөртпелермен жедел уытты-аллергиялық ауруды, сұйықтыққа толы көпіршіктердің түзілуімен терінің ауыр аллергиялық зақымдануын, қандағы эозинофилдердің жоғарылауымен және ішкі ағзалардың симптомдарымен дәрілік бөртпелерді қоса, өмірге қауіп төндіретін ауыр жедел аллергиялық реакциялардың дамуы кезінде Томиклар препаратымен емдеуді дереу тоқтатып, дереу дәрігерге жүгіну керек.
Қандағы глюкоза деңгейін төмендету үшін (натеглинид, пиоглитазон, репаглинид, розиглитазон) және/немесе инсулинмен бір мезгілде қолдану глюкоза деңгейінің айқын төмендеуін тудыруы мүмкін, сондықтан емдеу кезеңінде қандағы глюкоза деңгейін бақылау қажет.
Қанның ұюын төмендететін пероральді препараттар: варфаринмен бір мезгілде қолданғанда қанның ұю уақытының ұзаруы және елеулі қан кетудің даму қаупі артады.
Ловастатинмен немесе симвастатинмен бір мезгілде қолдануға болмайды, себебі бұлшықеттердің атрофиясы мен бұзылу қаупі артады (ауыр түрде болуы мүмкін). Егер бұл препараттар қажет болса, дәрігер ең төменгі дозаны тағайындайды немесе осындай әсерлерді тудырмайтын препаратты таңдайды және сіздің жағдайыңызды үнемі бақылап отырады.
Педиатрияда қолдану: Томиклар препараты 18 жасқа толмаған балаларда қолданылмауы тиіс.
Жүктілік немесе лактация кезінде
Жүктілік: жүкті әйелдер үшін кларитромицин қауіпсіздігі зерттелген жоқ, баланың жатырішілік дамуына жағымсыз әсер ету мүмкіндігі жоққа шығарылмайды. Жоғарыда аталғандардың барлығын ескере отырып, дәрігердің тағайындауынсыз жүкті әйелдерде, әсіресе жүктіліктің алғашқы үш айында кларитромицинді қолдану ұсынылмайды.
Емшек емізу: кларитромицин емшек сүтімен бөлінеді. Бала емізу кезеңінде балаларға арналған кларитромицинді қолдану қауіпсіздігі анықталмаған.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жүйке жүйесі тарапынан құрысулар, бас айналу, елестеулер, сананың шатасуы, бағдардан жаңылу сияқты жағымсыз реакциялардың даму мүмкіндігін ескере отырып, көлік құралын басқару немесе қауіптілігі зор механизмдермен жұмыс жүргізу кезінде сақ болу қажет.
Дозалау режимі
Тыныс алу жолдарының/терінің және жұмсақ тіндердің инфекциялары.
Ұсынылатын доза күніне екі рет 250 мг, қажет болған жағдайда күніне екі рет 500 мг-ға дейін ұлғайтылуы мүмкін (аурудың ауыр ағымы кезінде). Әдеттегі емдеу ұзақтығы 6-дан 14 күнге дейінді құрайды.
Он екі елі ішектің ойық жарасы кезінде Н. pylori бактериясын жою
Әдеттегі емдеу ұзақтығы 6-дан 14 күнге дейінді құрайды.
Емдеу сызбасы.
Томиклар препараты 500 мг-нан, күніне екі рет лансопразолмен (күніне екі рет 30 мг-нан) және амоксициллинмен (күніне екі рет 1000 мг-нан) бірге.
Томиклар препараты 500 мг-нан, күніне екі рет лансопразолмен (күніне екі рет 30 мг-нан) және метронидазолмен (күніне екі рет 400 мг-нан) бірге.
Томиклар препараты 500 мг-нан, күніне екі рет амоксициллинмен (күніне екі рет 1000 мг-нан) және омепразолмен (күніне 20 мг-нан) бірге.
Күніне екі рет 500 мг-нан омепразолмен (күніне 40 мг-нан), амоксициллинмен (күніне екі рет 1000 мг-нан) немесе метронидазолмен (күніне екі рет 400 мг-нан) бірге.
Енгізу әдісі мен жолы
Томиклар препаратын ас ішуге қарамастан, ішке қабылдайды.
Артық дозаланған жағдайда қабылдануы тиіс шаралар
Симптомдары: асқазан-ішек жолы тарапынан жағымсыз әсерлердің күшеюі. 8 г кларитромицин қабылдаған, бұрын психикалық бұзылулары болған бір пациентте психикалық статусының және мінез-құлқының өзгеруі, қандағы калий деңгейінің төмендеуі және басқа да бұзылулар байқалды.
Емі: асқазанды шаю, сорбенттерді қабылдау, симптоматикалық ем. Гемодиализ бен перитонеальді диализдің тиімділігі аз.
Дәрілік препаратты қолдану тәсілін түсіндіру үшін медициналық қызметкерге кеңес алуға жүгініңіз.
ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар
Өте жиі
- енгізу орнындағы флебит (кларитромицинді вена ішіне енгізу үшін қолданғанда).
Жиі
- ұйқысыздық, бас ауыруы, қан тамырларының кеңеюі
- дәм сезудің бұзылуы, дәм сезудің бұрмалануы
- жүрек айнуы, іштің ауыруы, құсу, іштің жоғарғы бөлігіндегі ауырсыну немесе жайсыздық, сұйық нәжіс
- бауыр функциясының бұзылуы (бауыр қызметінің зертханалық көрсеткіштерінен ауытқу)
- бөртпе, айқын тершеңдік
- ауырсыну, енгізу орнының қабынуы (кларитромицинді вена ішіне енгізу үшін қолданғанда).
Жиі емес
- май жасушалары мөлшерінің жергілікті ұлғаюы және май тініндегі микроциркуляцияның бұзылуы ( целлюлит), ауыз қуысының шырышты қабығының зеңдік зақымдануы, асқазан-ішек жолдарының шырышты қабығының қабынуы
- инфекциялар, қынаптық инфекциялар
- лейкоциттер, нейтрофильді лейкоциттер санының төмендеуі, тромбоциттер, эозинофилдер санының артуы
- өмірге қауіп төндіретін тез ауыр аллергиялық реакция, жоғары сезімталдық
- тәбеттің толық жоғалуы, тәбеттің төмендеуі
- үрейлену, күйгелектік
- санадан айрылу, бұлшықеттердің түрлі топтарының еріксіз қозғалуы, бас айналу, ұйқышылдық, бұлшықеттің жиырылуынан туындаған дене бөліктерінің немесе бүкіл дененің еріксіз, ырғақты қозғалысы - вестибулярлық бас айналуы, естудің нашарлауы, құлақтың шыңылдауы
- жүректің тоқтап қалуы, жедел жүйесіз жүректің жиырылуы, ЭГК өзгерістерімен жүрекішілік импульс жүргізудің бұзылуы, кезектен тыс жүректің жиырылуы, жүрек соғуы
- демікпе, мұрыннан қан кету, өкпе артериясының тромбпен бітелуі
- өңештің қабынуы, асқазан ішіндегісінің өңешке патологиялық түсуінен туындаған жай-күй, гастрит, анустық тесік аймағындағы жедел ауырсыну, стоматит, тілдің қабынуы, іштің кебуі, іш қату, ауыздың құрғауы, кекіру, ішекте жоғары газ түзілу
- он екі елі ішекке өт бөлінуінің азаюы, бауырдың қабынуы, АЛТ, АСТ, ГГТ бауыр ферменттері деңгейінің жоғарылауы
- терідегі сұйықтыққа толы сулы бөртпелер, қышыну, күйіктен болатын күлдіреуіктерге ұқсас тез өршитін, қатты қышитын, терідегі бозғылт-қызғылт күлдіреуіктер, макулопапулездік бөртпе
- бұлшықеттің түйілуі, бұлшықеттің тартылуы, бұлшықеттің ауыруы, қанда креатининнің, мочевинаның жоғарылауы
- дімкәстік, дене температурасының жоғарылауы, созылмалы шаршау синдромы, кеуденің ауыруы, суықты сезіну және дененің дірілдеуі, қатты қажу
- альбумин-глобулин арақатынасының өзгеруі, қанда сілтілі фосфатаза, лактатдегидрогеназа деңгейінің жоғарылауы.
Жиілігі белгісіз
- ішектің жедел қабыну ауруы, тілмелі қабыну
- қандағы гранулоцитоз мөлшерінің артуы, тромбоциттер санының азаюы
- өмірге қауіп төндіретін тез ауыр аллергиялық реакция, терінің терең қабаттарының және тері асты тіндерінің тығыз, асимметриялық, ауыртпалықсыз ісінуі
- психоз, сананың шатасуы, өз іс-әрекеттерін сырттан қабылдау, депрессия, бағдарды жоғалту, елестеулер, қорқынышты түстер, маниакальді реакциялар
- құрысулар, дәм сезуді жоғалту, иіс сезудің өзгеруі, иіс сезуді жоғалту, күйдіру, шаншу, жыбырлату сезімдерімен сезімталдық бұзылыстары
- есту қабілетін жоғалту
- кенеттен жүрек соғуының едәуір жиілеуімен жүрек ырғағының бұзылуы, жүрек соғуының жиілеуі, өмірге қауіптілі зор жылдам, жүйесіз жүрек ырғағы
- қан кету
- ұйқы безінің жедел қабынуы, тіл түсінің өзгеруі, тіс түсінің өзгеруі
- бауыр жеткіліксіздігі, бауырдың қабынуынан туындаған сарғаю
-іріңді бөртпелер түріндегі жедел тері реакциясы, теріде және шырышты қабықтарда бөртпелерімен жедел уытты-аллергиялық ауру (Стивенс-Джонсон синдромы), сұйықтыққа толы көпіршіктердің түзілуімен терінің ауыр аллергиялық зақымдануы (уытты эпидермальді некролиз), дәрі-дәрмектік тері реакциясы (эозинофилиямен және жүйелік көріністермен бірге жүретін), безеу
- бұлшықет тіні жасушаларының бұзылуы (рабдомиолиз), атрофия және бұлшықеттердің бұзылуы
- бүйрек жұмысының бұзылуы, бүйректің созылмалы қабынуы
- қан ұюының зертханалық көрсеткіштерінің нашарлауы, несеп түсінің өзгеруі
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК
Дәрілік препараттың құрамы
Бір таблетканың құрамында
белсенді зат -250мг, 500 мг кларитромицин
қосымша заттар:
Микрокристалды целлюлоза
Прежелатинделген крахмал
Натрий кроскармеллозасы
Повидон
Стеарин қышқылы
Магний стеараты
Сусыз коллоидты кремний
үлбірлі қабықтың құрамы Ақ опадрай 03F28342
Гипромеллоза 6 сР (НРМС 2910)
Титанның қостотығы (Е 171)
Тальк
Макрогол (ПЭГ 6000)
Ванилин
Хинолинді сары лак (Е104) (250 мг дозасы үшін)
Сыртқы түрінің иісінің, дәмінің сипаттамасы
Сопақша пішінді, екі жақ беті дөңес және екі жақ бетінде сызығы бар, сары түсті үлбірлі қабықпен қапталған таблеткалар. Сындырған кезде таблетканың ақ түсті өзегі және жұқа сары үлбірлі қабығы көрінеді (250 мг доза).
Сопақша пішінді, екі жақ беті дөңес және екі жақ бетінде сызығы бар, ақ немесе ақ дерлік түсті үлбірлі қабықпен қапталған таблеткалар. Сындырған кезде таблетканың ақ түсті өзегі және жұқа ақ үлбірлі қабығы көрінеді (500 мг доза).
Поливинилхлорид/поливинилиденхлоридті үлбірден және алюминий фольгадан жасалған пішінді ұяшықты қаптамаға 7 таблеткадан салынған.
Пішінді ұяшықты 2 қаптамадан медициналық қолданылуы жөнінде қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
Сақтау мерзімі 3 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде, 25 ºС -ден аспайтын температурада сақтау керек. Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
REPLEK FARM Ltd. Skopje, Козле к-сі 188, 1000 Скопье,
Солтүстік Македония Республикасы
телефон: +389 2 3081343
электронды пошта: info@replek.com.mk
Тіркеу куәлігінің ұстаушысы
Spey Medical Ltd., Линтон Хаус 7-12 Тависток Сквер, Лондон,WC1H 9LT, Ұлыбритания
телефон: +44 203 598 2050
электронды пошта: info@spey.eu
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын жәнедәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Cepheus Medical» (Цефей Медикал) ЖШС, 050000, Қазақстан Республикасы, Алматы қ., Панфилов к-сі 98,«OLD SQUARE» БО, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk