Витамин С Вива Фарм 500 мг № 10 табл. жев.
Тауарлардың көрінісі фотосуретте көрсетілгеннен өзгеше болуы мүмкін

Витамин С Вива Фарм 500 мг № 10 табл. жев.

Қолжетімділігі
Тауар қолда жоқ
Үлгі
4870004560307
Елі
Казахстан
Өндіруші
Вива Фарм ТОО
  • Сипаттама

Сипаттама

Дәрілік затты медициналық қолдану жөніндегі нұсқаулық

Витамин С 500 Вива Фарм

Саудалық атауы

Витамин С 500 Вива Фарм

Халықаралық патенттелмеген атауы

Аскорбин қышқылы

Дәрілік түрі

Шайнайтын таблеткалар, 500 мг

Құрамы

Бір шайнайтын таблетканың құрамында

белсенді зат - 500 мг аскорбин қышқылы (200 мг аскорбин қышқылы және 337 мг натрий аскорбаты түрінде),

қосымша заттар: сорбитол, микрокристалды целлюлоза, аспартам, калий ацесульфамы, шабдалы хош иістендіргіші, кальций стеараты, сусыз коллоидты кремнийдің қостотығы, сары бояғыш «күн батар түстес» (Е110).

Сипаттамасы

Ақ түсті теңбілдері бар қызғылт-қызыл сары түсті, дөңгелек, жалпақ, бір жақ бетінде сызығы және екі жақ бетінде де ойығы бар таблеткалар.

Фармакотерапиялық тобы

Ас қорыту жолы. Дәрумендер. Аскорбин қышқылы, біріктірілімдерін қосқанда. Аскорбин қышқылы таза түрде. Аскорбин қышқылы.

АТХ коды A11GA01

Фармакологиялық қасиеттері

Фармакокинетикасы

Асқазан-ішек жолында (негізінен аш ішекте) сіңіріледі. Дозаны 200 мг дейін арттырғанда 140 мг (70%) дейін сіңеді; дозаны әрі қарай арттырғанда сіңу азаяды (50-20%). Плазма ақуыздарымен байланысуы – 25%. Асқазан-ішекжолдарының ауруларында (асқазан және он екі елі ішектің ойық жара ауруы, іш қату немесе диарея,ішек-құрт инвазиясы, лямблиоз), жаңа сығылған жеміс және көкөніс шырындарын, сілтілі сусындарды ішу аскорбин қышқылының ішекте сіңуін азайтады. Ішке қабылдағаннан кейінгі қандағы ең жоғары концентрациясына 4 сағаттан соң жетеді. Лейкоциттерге, тромбоциттерге, содан кейін барлық тіндерге оңай өтеді. Ең көп концентрациясына безді ағзаларда, лейкоциттерде, бауырда және көз бұршағында жетеді. Гипофиздің артқы бөлігінде, бүйрек үсті бездерінің қыртысында, көз эпителийінде, ұрық бездерінің аралық жасушаларында, аналық бездерде, бауырда, көкбауырда, ұйқы безінде, өкпеде, бүйректе, ішек қабырғасында, жүректе, бұлшықеттерде, қалқанша безде жиналады. Плацента арқылы өтеді. Лейкоциттер мен тромбоциттерде аскорбин қышқылының концентрациясы эритроциттер мен плазмаға қарағанда жоғары. Тапшылық жағдайларында лейкоциттердегі концентрациясы кешірек және баяуырақ төмендейді, әрі тапшылығына баға берудің плазмадағы концентрациясына қарағанда өте жақсы критерий ретінде қарастырылады. Негізінен бауырда дезоксиаскорбин қышқылына және әрі қарай қымыздық-сірке және дикетогулон қышқылына метаболизденеді. Бүйрек, ішек арқылы, термен, емшек сүтімен өзгермеген түрде және метаболит түрінде шығарылады. Жоғары дозаларды тағайындағанда шығарылу жылдамдығы бірден күшейеді.Темекі шегу және этанолды қолдану организмдегі аскорбин қышқылының қорын бірден төмендете отырып, оның ыдырауын жылдамдатады (белсенді емес метаболиттерге айналады). Гемодиализ кезінде шығарылады.

Фармакодинамикасы

Аскорбин қышқылы организмде С дәрумені тапшылығын толықтырады,метаболизмдік, антиоксидантты әсер етеді, тотығу-тотықсыздану үдерістерін, көмірсу алмасуын, қан ұйығыштығын, тіндердің регенерациясын реттеуге қатысады. Көптеген биохимиялық реакцияларда сутегінің тасымалдануын демейді. Трикарбон қышқылдары циклінде глюкоза пайдалануды жақсартады,тетрагидрофолий қышқылы түзілуіне, стероидты гормондар, коллаген, проколлаген синтезіне қатысады. Жасушааралық заттардың коллоидты жай-күйін реттейді, гиалуронидазаның әсерін бәсеңдетеді және капиллярлардың қалыпты өткізгіштігін демейді. Протеолиздік ферменттерді белсендіреді, хош иісті амин қышқылдары алмасуына және пигменттік алмасуға қатысады, қандағы холестерин мөлшерін реттейді, бауырда гликоген жинақталуына ықпал етеді. Бауырда тыныс алу ферменттерін белсендіру есебінен оның уытсыздануын және ақуыз түзу функцияларын күшейтеді, протромбин синтезін арттырады. Бездер метаболизміне қатысады. Өттің бөлінуін жақсартады, ұйқы безінің сыртқы секреторлық функциясын және қалқанша бездің инкреторлық функциясын қалпына келтіреді. Иммунологиялық реакцияларды (антиденелердің синтезін, комплементтің С3-компонентін, интерферонды белсендіреді) реттейді, фагоцитозға ықпал етеді, организмнің инфекцияларға қарсыластығын арттырады. Гистаминнің босап шығуын тежейді және ыдырауын жеделдетеді, простагландиндер және қабынудың басқа медиаторлары түзілуін және аллергиялық реакцияларды бәсеңдетеді.

Қолданылуы

- цинга, C дәрумені гиповитаминозы және авитаминозын, аскорбин қышқылына жоғары қажеттілік жағдайын емдеуде және профилактикасында

Қолдану тәсілі және дозалары

Витамин С 500 Вива Фарм, шайнайтын таблеткаларын жақсылап шайнап, тамақтанудан кейін ішке қабылдайды.

Цинганы, С дәрумені авитаминозын емдеу

тәулігіне 500 мг – 1000 мг

(1-2 таблетка)

Цинга, С дәрумені авитаминозы профилактикасы

тәулігіне 250 мг-ден 500 мг дейін (1/2-1 таблетка)

C дәрумені гиповитаминозын емдеу және профилактикасы, аскорбин қышқылының жоғары қажеттілік жағдайы

тәулігіне 500 мг

(1 таблетка)

Емдеу мерзімдері аурудың сипаты мен ағымына байланысты.

Ең жоғары тәуліктікдоза: 1000 мг (2 таблетка).

Жағымсыз әсерлері

Ұсынылатын дозалау режимі сақталған кезде жағымсыз реакциялар туындамайды. Алайда, жоғары дозада ұзақ қолданғанда жағымсыз реакциялар болуы мүмкін.

Жағымсыз реакциялар келесі түрде жіктелген туындау жиілігін ескере отырып бөлінген: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10000 <1/1000 дейін); өте сирек (<1/10000), белгісіз (қолда бар деректер бойынша бағалау мүмкін емес)

Жиі (≥1/100 <1/10 дейін)

  • диарея (тәулігіне 1 г астам дозада қолданғанда), асқазан-ішек жолы шырышты қабығының тітіркенуі, қыжыл, жүрек айнуы, құсу, асқазанның түйілуі
    • бүйректің гломерулярлы аппаратының зақымдануы, кристаллурия, бүйректе және несеп шығару жолдарында урат, цистин және/немесе оксалат тастардың түзілуі, бүйрек жеткіліксіздігі, несеп шығару жиілігінің орташа артуы (тәулігіне 600 мг астам дозада қолданғанда)
    • тромбоцитоз, тромбоз, гиперпротромбинемия, эритроцитопения, нейтрофильді лейкоцитоз
  • артериялық гипертензия
  • жоғары қозғыштық, қажу, ұйқының бұзылуы, бас ауыруы
  • ұйқы безі инсулярлық аппаратының зақымдануы (гипергликемия, глюкозурия) және гликоген синтезінің қант диабеті пайда болуына дейін бұзылуы

Сирек (≥1/10000 <1/1000 дейін)

Өте сирек (<1/10000)

  • гемолиздік анемия (глюкоза-6-фосфатдегидрогеназа жеткіліксіздігі бар пациенттерде)
  • миокард дистрофиясы
  • терінің қызаруы, бөртпе, қышыну, есекжем, экзема
  • ангионевроздық ісіну, кейде, сенсибилизация болған кезде анафилаксиялық шок
  • мырыш, мыс алмасуының бұзылуы
  • ысынуды сезіну, тіс эмалі эрозиясы
  • арқаның ауыруы

Қолдануға болмайтын жағдайлар

  • препарат компоненттеріне жоғары сезімталдық
  • қант диабеті
  • гипероксалурия, оксалоз
  • нефролитиаз
  • гемохроматоз
  • талассемия, сидеробластты анемия
  • қанның ұюының жоғарылауы
  • тромбофлебит
  • тромбоздарға бейімділік
  • глюкоза-6-фосфатдегидрогеназа тапшылығы
  • фенилкетонурия (құрамында аспартам бар)
  • 18 жасқа дейінгі балалар мен жасөспірімдер
  • тұқым қуалайтын фруктоза жақпаушылығы
  • бүйрек функциясының жеткіліксіздігі
  • қатерлі аурулардың үдеуі

Дәрілермен өзара әрекеттесуі

Аскорбин қышқылы сульфаниламидтік препараттардың уыттылығын азайтады, гепариннің және әсері тікелей емес антикоагулянттардың әсерін төмендетеді, этинилэстрадиолдың, пенициллиннің сіңуін арттырады, салицилаттардың жағымсыз әсерінің ықпалын күшейтеді (кристаллурияның пайда болу қаупі бар).

Ішуге арналған контрацептивтерді пайдалану организмдегі С дәруменінің деңгейін төмендетеді.

Литий тұздарымен бір мезгілде қолданғанда плазмадағы литий иондарының концентрациясын жоғарылатады.

Барбитураттар және примидон аскорбин қышқылының несеппен бірге шығарылуын күшейтеді.

Жоғары дозасында аскорбин қышқылы амфетаминнің және үшциклді антидепрессанттардың шығарылуын арттырады. Психозға қарсы дәрілік зат (нейролептиктер) – фенотиазин туындыларының емдік әсерін азайтады.

Ұзақ уақыт қолданғанда хинолондар, кальций хлориді, салицилаттар және глюкокортикостероидтар плазмадағы аскорбин қышқылының деңгейін және оның организмдегі мөлшерін төмендетеді.

Темір препараттарының ішекте сіңуін жақсартады (үшвалентті темірді екі валенттіге ауыстырады), дефероксаминмен бір мезгілде қолданғанда темірдің шығарылуын арттыруы мүмкін. Дефероксаминмен біріктіргенде темірдің тіндерге уытты әсерін арттырады (әсіресе жүрекке, жүрек функциясы жеткіліксіздігінің дамуын туындата отырып), аскорбин қышқылын тағайындау дефероксамин концентрациясын және темірдің экскрециясын анықтағаннан кейін, дефероксамин инфузиясынан соң кем дегенде 1-2 сағаттан кейін жүргізіледі. Бір мезгілде қолданғанда изопреналиннің хронотроптық әсерін азайтады. Жоғары дозаларында мексилетиннің бүйрек арқылы шығарылуын арттырады. Шылым шегу және этил спирті аскорбин қышқылының метаболизмін жылдамдатады және оның организмдегі мөлшерін азайтады. Алкогольдің асқазан-ішек жолының шырышты қабығына уытты әсер етуін күшейтеді. Қышқылдардың бүйрек арқылы шығарылуын баяулатады, сілтілік реакциялары бар препараттардың (соның ішінде алкалоидтардың) кері сіңірілуін кемітеді. Ұзақ уақыт қолданғанда немесе жоғары дозаларда қолданғанда дисульфирам-этанолдың өзара әрекеттесуін бұзуы мүмкін.

Айрықша нұсқаулар

Аскорбин қышқылының сіңу үдерісі ішек дискинезиясы, энтерит, ахилия, ішек-құрт инвазиясы, лямблиоз кезінде бұзылуы мүмкін. Дәрілік затты сілтілі ішумен бір мезгілде қолдану аскорбин қышқылының сіңуін азайтады, сондықтан оны сілтілі минералды сумен ішпеген дұрыс. Дәрілік затты мына пациенттерге аса сақтықпен тағайындау керек:

- глюкоза-6-фосфатдегидрогеназа жеткіліксіздігімен (аскорбин қышқылының жоғары дозалары гемолиздік анемияға түрткі болуы мүмкін;

- анамнезінде нефролитиаз бар (аскорбин қышқылын үлкен дозада қабылдағаннан кейін гипероксалурия және несеп жолында оксалаттар шөгуінің қаупі);

- темір метаболизмінің бұзылуымен (гемосидероз, гемохроматоз, талассемия).

Аскорбин қышқылы темірдің сіңірілуін жоғарылататын болғандықтан, оны жоғары дозада қолдану гемохроматоз, талассемия, полицитемия, лейкемия және сидеробластты анемиясы бар пациенттерде қауіпті болуы мүмкін. Организмде темір мөлшері жоғары пациенттерге препаратты ең төмен дозада қолдану керек.

Анамнезде бүйрек аурулары бар пациенттерге препаратты сақтықпен қолданған жөн. Аскорбин қышқылы оксалаттардың несеппен шығарылуын күшейтеді және оксалат тастарының түзілу қаупін жоғарылатады. Несеп-тас ауруы кезінде аскорбин қышқылының тәуліктік дозасы 1 г аспауы тиіс.

Қанның ұйығыштығы жоғары пациенттерге дәрілік заттың үлкен дозаларын тағайындамаған жөн.

Жоғары дозаларды қолданғанда немесе препаратты ұзақ қолданған кезде бүйрек функциясын және аскорбин қышқылының кортикостероидты гормондар түзілуін стимуляциялайтын әсеріне байланысты артериялық қысымның деңгейін бақылап отыру қажет.

Аскорбин қышқылын үлкен дозада ұзақ қолданған кезде ұйқы безі инсулярлық аппараты функциясының бәсеңдеуі мүмкін, бұл соңғысының жайын бақылап отыруды талап етеді.

Үдемелі онкологиялық ауруы бар пациенттерде аскорбин қышқылын сақтықпен қолданған жөн, өйткені оны қолдану ауру ағымын асқындырады.

Аскорбин қышқылын үлкен дозада ұзақ қолдану оның бүйректік клиренсін жеделдетуі мүмкін, сондықтан емдеуді тоқтатқаннан кейін аскорбин қышқылының парадоксальді жеткіліксіздігі туындауы мүмкін.

Ұсынылған дозадан асырмау керек.

Құрамында аскорбин қышқылы бар басқа дәрілік заттармен бір мезгілде қолданбаған жөн.

Аскорбин қышқылы орталық жүйке жүйесіне жеңіл көтермелейтін әсер етеді, С дәруменін күннің соңында қолдану ұсынылмайды.

Аскорбин қышқылы қалпына келтіргіш ретінде зертханалық зерттеулер нәтижелеріне (қанда глюкоза, билирубин, несеп қышқылы, креатинин, бейорганикалық фосфаттар, лактатдегидрогеназа мөлшерін, трансаминазалар белсенділігін анықтаған кезде) әсер етуі мүмкін. Нәжісте қанның жасырын болуына зерттеулердің нәтижесі теріс болуы мүмкін Витамин С 500 Вива Фарм құрамында натрий бар, сондықтан натрий мөлшері бақыланатын диета ұстанатын пациенттерге осы препаратты сақтықпен қолдану керек.

Дәрілік заттың құрамында фенилаланин қайнар көзі - аспартам (Е951) бар, ол фенилкетонуриясы бар науқастар үшін қауіпті болуы мүмкін.

Витамин С 500 Вива Фарм құрамында аллергиялық реакция туғызуы мүмкін «күн батар түстес» сары бояғыш (E110) бар.

Анықталған кейбір қанттар жақпаушылығы кезінде бұл препаратты қабылдаудан бұрын дәрігермен кеңесу керек. Витамин С 500 Вива Фарм құрамында сорбитол бар, сондақтан сирек тұқым қуалайтын фруктоза жақпаушылығы бар пациенттерге бұл препаратты қолданбаған жөн.

Жүктілік және лактация

Препарат осы дозада жүктілік және лактация кезеңінде қолдануға арналмаған.

Көлік құралын немесе қауіптілігі зор механизмдерді басқару қабілетіне дәрілік заттың әсер ету ерекшеліктері

Аскорбин қышқылын қолдану пациенттің автокөлік құралын немесе қауіпті механизмдерді басқару қабілетіне ықпалын тигізбейді.

Артық дозалануы

Симптомдары: эпигастрий аймағындағы ауыру, жүректің айнуы, құсу, диарея, қышыну және тері бөртпесі, жүйке жүйесі қозғыштығының жоғарылауы. Препараттың үлкен дозаларын (тәулігіне 1000 мг астам) ұзақ уақыт қолданғанда артериялық гипертензия, гипергликемия, тромбоцитоз, тромбтың түзілуі, эритроцитопения, нейтрофильді лейкоцитоз, миокард дистрофиясы, бүйректе тас түзілуі, қозу, микроангиопатия болуы ықтимал.

Жоғары дозаларда ұзақ қолданғанда ұйқы безі инсулярлық аппараты функциясының бәсеңдеуі, бүйрек функциясының бұзылуы, артериялық қысымның жоғарылауы және басқа жағымсыз әсерлерінің дамуы мүмкін.

Емі: асқазанды шаю, бүйрек функциясын және артериялық қысымды бақылау, симптоматикалық ем (антиагреганттарды, инсулинді, сілтілендіретін дәрілерді тағайындау). Арнайы антидоты жоқ. Гемодиализ және перитонеальді диализ тиімсіз.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 1 немесе 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тіркеу куәлігінің ұстаушысы

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«ВИВА ФАРМ» ЖШС, Қазақстан Республикасы

050030, Алматы қ., Дегдар к-сі, 33

тел.: +7 (727) 383 74 63, факс: +7 (727) 383 74 56

e-mail: pv@vivapharm.kz